Se diz por istos puestos, que a feria d'a Candelera, ye a más biella d'Aragón. Os suyos orixens prenzipioron fa más de quinientas añadas, cuan o bentidós de setiembre de 1512 a reina Germana de Foix atorgó o prebilexio a ra ziudá de Balbastro pa fer una feria que durase doze dias antis y atros doze dimpues d'a purificazión d'a Nuestra Siñora.
De primeras, bendiban fierro labrato y quincallas, y dimpués o chenero estió muito más amplo.
Cuan prenzipió ista feria, estió clabata en a plaza d'a Candelera, u plaza d'o Entremuro, pero dimpués yera tan importán que as autoridaz dezidioron cambear a suya ubicazión ta atro puesto más amplo y en o año 1813 publicoron un pregón en o que deziban que a feria teneba que zelebrar-se "debaxo d'o coso y os cochins se'n metesen en a Plaza Rastro".
A feria d'a Candelera ye a unica en Balbastro que contina conserbando o suyo carauter comerzial con as suyas charingüetas y candelas, do as chens salen ta ras carreras todos os dos de febrero pa mercar quesos, embutius, pans, matas, artesanía, calzero, testil, complementos...
"Pa Candelera a mayor nebera, pa San Blas un palmo más, pa Santa Aguedeta, a nieu hasta a bragueta."
"Si a Candelera plora, o ibierno ye difuera"
